La Marella - En il labor da durmir: Studi vegn ad avair influenza mundiala
La pneumologia da l'Ospital chantunal da Cuira sa dumonda en in studi sche l’autezza sur mar ha in’influenza sin il sien. Emprims resultats èn avant maun. La Marella è sa participada a quest studi e preschenta emprims resultats.
Tge influenza ha l’autezza sin la sien? Quai vul l'Ospital chantunal da Cuira, la pneumologia, chattar ora cun in studi clinic. 40 persunas èn sa participadas a quest studi. Ina emprima tendenza datti gia:
Emprims resultats mussan che l’autezza ha in’influenza sin la sien uschia ch’ins sto er resguardar quai.
Ils proxims onns duai perquai dar studis cun persunas che patescha d'apneas – pia problems cun respirar durant durmir – per pudair giuditgar sch’ins sto adattar il tractament.
Emprimas adattaziuns haja er gia dà, malgrà che l’analisa detagliada n’è anc betg avant maun. Fin uss vegnivan tut las pazientas en il labor da durmir a Cuira per far in test da durmir. Uss dorman gia emprims pazients a chasa. Ils cabels vegnan francads a Cuira, ma durmì vegn en l’agen letg.
Nus gudagnain dapli infurmaziuns da pazientas che dorman a chasa. Er disturbis vegnan registrads, uschia che nus pudain dar recumandaziuns per ina meglra sien.
Impressiuns durant il studi
1 / 7
Legenda:
En la cabina : Test da trair flad en la cabina da glas.
Nadja Deflorin
2 / 7
Legenda:
Analisa dal test da trair flad: Nadja Deflorin analisescha ils resultats d'in test.
RTR
3 / 7
Legenda:
La schefmedia Tsogyal Latshang responsescha il studi.
RTR
4 / 7
Legenda:
Cabels tatgads vid il chau: prest pronta per durmir en il labor a Cuira
Nadja Deflorin
5 / 7
Legenda:
Cabels dapertut, anc manca dentant la rait sin il chau per fixar tut.
Nadja Deflorin
6 / 7
Legenda:
Resultats da la notg en il labor da durmir. Qua vesan ins differentas undas dal tscharvè. Ord quellas pon ins tranter auter leger or las phasas da durmir.
Nadja Deflorin
7 / 7
Legenda:
Resultats d'in'autra fasa da la sien en il labor da durmir a Cuira.
Nadja Deflorin
