L’onn 1969 lascha l’Intersoc construir a Mustér in hotel privat cun 600 letgs – exclusivamain per giasts beltgs. L’edifizi immens amez la cuntrada vegn crititgà a partir dal cumenzament. Talsperre, Betonklotz, hotel dils Belges – quai èn ils surnums da la glieud indigena per l’hotel Acla da Fontauna a Mustér. Per millis e millis Belgias e Beltgs è el Onze Acla – Noss Acla: l’edifizi, nua ch’els passentan lur vacanzas sur generaziuns.
Impressiuns or dal film
Il film dat vita a l’hotel Acla da Fontauna ch’è serrà e bandunà dapi passa 20 onns e ch’è stà lezza giada il fundament per il turissem a Mustér. El lascha reviver il «temps dils Belges » a Mustér – in chapitel or da la lunga istorgia d’amur tranter ils giasts da la Belgia e la Svizra.