La Lia Rumantscha fetschia actualmain ina transfurmaziun, quai vesian ins per l'ina vi dal nov organigram e per l'autra vi dal fatg ch'ella haja augmentà las plazzas per 200%. Igl è vegnì stgaffì ina nova plazza da mainaproject ed ina nova en la communicaziun – en quels camps vesa era Markus Solinger, il secretari general, anc bler potenzial:
Nus avain uschè bunas purschidas ma en il passà n'essan nus betg vegnì da communitgar quai en in moda che riva ora en il martgà.
La Lia Rumantscha ha pudì occupar las duas plazzas sco manadra lingua e manader furmaziun ed ha plinavant chattà ina nova promotura per la Surselva.
Nova manadra lingua è Bettina Vital. Ella è linguista e redactura dal Chalender Ladin.
Nov manader da furmaziun daventa Linard Martinelli ch'era avant promotur per l'Engiadina Bassa e Val Müstair.
Nova promotura per la Surselva è Erica Cavegn che sesa en la suprastanza communala da Trun.
