Il chantun Grischun survegn duas scolas medias per informatica. A partir da l'onn da scola 2025/2026 pon ins cumenzar là il studi d'informatica. Pervi da la digitalisaziun è la dumonda per informaticras ed informatichers bain scolads creschida adina pli fitg durant ils ultims onns. Quai scriva la regenza. Perquai ha ella relaschà l'ordinaziun per che las scolas possian bainprest avrir lur portas.
Legenda:
Las cundiziuns per pudair entrar en las scolas èn las medemas sco per las scolas medias commerzialas e scolas medias spezialisadas. L'attestat da qualificaziun datti suenter quatter onns da studi.
Keystone
Las duas scolas medias vegnan integradas en dus lieus: Ina en la scola chantunala a Cuira e l'autra en il center da furmaziun Surselva a Glion. Las scolas medias porschan sper l'emprendissadi classic d'informaticher in'ulteriura pussaivladad da daventar informaticher. Uschia duajan ellas gidar a reducir la mancanza da persunal en il sectur.
audio
Per tadlar: las novitads da las 12:00
ord RTR Audio dals 01.05.2024.
laschar ir. Durada: 4 minutas 54 Secundas.
