Swisscom – main svieuta, dapli gudogn
La Swisscom – il pli grond concern da telecommunicaziun svizzer – ha fatg damain svieuta, ma dapli gudogn l’emprim quartal da l’onn. Cumpareglià cun la medema perioda da l’onn passà saja la svieuta sa reducida levet per bunamain 2% sin 2,7 milliardas francs.
Da contribuir saja quai tenor il concern cunzunt al ferm franc svizzer. Il gudogn saja sut il stritg s’augmentà per 3% sin 455 milliuns francs. Plinavant ha la Swisscom confermà las finamiras per l’entir onn da gestiun.
Sunrise – svieuta en autezza dal 2023
Er il segund grond concern da telecommunicaziun en Svizra ha communitgà sias cifras per l'emprim quartal 2024: El ha fatg ina svieuta da bunamain 747 milliuns francs dal schaner fin il mars. Quai è circa tuttina bler sco avant in onn.
En pli ha il concern confermà las finamiras per l’entir onn da gestiun. Ed er las preparativas per puspè entrar en la bursa avanzian tenor plan.