La Svizra tegn ina conferenza da pasch per l'Ucraina – passa 160 delegaziuns ha ella envidà a la conferenza. Quai ha communitgà il Departament d’affars exteriurs sin sia pagina d’internet. La conferenza ha lieu dals 15 fin ils 16 da zercladur en la Sutsilvania. Organisà ha la Svizra questa conferenza sin giavisch dal president da l'Ucraina.
Cun nossa selecziun da represchentants e represchentantas or da plirs stadis sperain sin participaziun uschè vasta sco pussaivel.
Nagina invitaziun per la Russia
La Russia haja adina puspè ditg ch'ella n'haja nagin interess da sa participar a quest'emprima conferenza da pasch, hai num davart l'argumentaziun. La Svizra saja però persvadida che la Russia stoppia vegnir integrada en il process da pasch ch'ins veglia lantschar cun la conferenza. In process da pasch na saja betg imaginabel senza la Russia.
Il president russ Wladimir Putin ha crititgà uffizialmain la conferenza da pasch en Svizra. Putin ha la renfatschà ch'i saja ina cuntradicziun da pretender che la Russia refuseschia tractativas da pasch, perquai ch'ella na saja betg da la partida il zercladur. Senzia la Russia na saja i betg pussaivel da far decisiuns, ma tuttina n'haja ella betg survegnì in'invitaziun.
